Гадаад хэл суралцаж буй бүхий л хүмүүсийн түвшингээ сайжруулахаар ашигладаг тактикийн нэг бол НОМ УНШИХ байдаг билээ. Тэгвэл япон хэлний мэдлэгээ дээшлүүлж буй суралцагчдадаа үйл явдал нь сонирхолтой бөгөөд япон хэл сурахад туслах 5 номыг энэ удаагийн нийтлэлээрээ хүргэж байна.
1. Genki
Genki ном нь хэлний дөрвөн чадварыг (унших, бичих, ярих, сонсох) багтаасан байдаг. Ойлгоход хялбар өргөн цар хүрээтэй. Хэцүү дүрмийн хэсгүүдийг англи англи хэлээр тайлбарласан дагаж мөрдөх боломжтой. Цуврал нь алдартай тул тэдгээрийн талаар олон тооны онлайн нийтлэл, хэрэглэгчийн туршлага байдаг. Зарим нэмэлт материалыг онлайнаар үнэгүй ашиглах боломжтой.
2. Japanese from Zero
Энэ ном нь анхан шатны суралцагчдад зориулагдсан ном. Хирагана, катакана, ханз зэрэг япон хэлний анхан шатны мэдлэг, дүрэм, үгсийн санг багтаасан. Ном, веб материалын интерфэйс нь ойлгомжтой байдаг. Нэмэлт материалыг YesJapan сайтаас авах боломжтой.
3. Japanese the Manga Way
Энэ номонд япон хэл, соёлыг заахдаа манга (Япон комикс) ашигладаг. Үүнд үндсэн дүрэм, үгсийн сан, өгүүлбэрийн бүтцийг багтаасан бөгөөд олон жишээ, дасгалуудтай. Энэхүү ном нь 15 бүлэгт хуваагдсан бөгөөд тус бүр нь япон хэл, соёлын тодорхой нэг тал дээр төвлөрдөг. Бүлэг бүр сэдвийн талаар товч танилцуулж, дараа инээдэмтэй, сэтгэл татам байдлаар харуулсан комиксоор эхэлдэг. Хошин шогийн дараагаар тухайн зурваст ашигласан дүрэм, үгсийн сангийн дэлгэрэнгүй тайлбар, жишээ болон дасгалуудыг дадлага хийхэд тань туслах болно.
4. Read Real Japanese
Энэ бол япон хэлнээс дунд шатнаас ахисан түвшний суралцагч зориулсан ном юм. Энэ номонд Харуки Мураками, Сейко Ито, Банана Ёшимото зэрэг Японы алдартай зохиолчдын найман янзын, сонирхолтой эссэ багтсан байдаг. Суралцагчдад япон хэл, соёлтой танилцаж, унших чадварыг хөгжүүлэхэд нь тусална.
5. Remembering the Kanji
Япон хэлэнд хэрэглэгддэг ханз үсгийг сурахад тусгайлан зориулагдсан. Уг ном нь ханз үсэг тус бүр болон түүний утгыг санахад туслах. Ханз үсгийг цээжлэх өвөрмөц аргыг энэ номноос унших боломжтой. Энэ арга нь ханз тус бүрийг жижиг хэсгүүдэд хувааж, эдгээр хэсгүүдийг дүрийн утга санаатай холбосон түүхийг бүтээсэн байдаг.
TomYo аппаа татаад япон хэлний цуврал хичээлүүдээ үзээрэй.
