Гадаадад сурах хүсэлтэй залуусын ихээр сонирхож суралцдаг орнуудын тоонд Азийн орнууд орох нь дамжиггүй. Учир нь өндөр хөгжил, хүчирхэг эдийн засаг, сүүлийн үеийн технологи, чанартай боловсролын системээс суралцах боломж асар их бий. Гэвч боловсролыг эзэмшихийн тулд бидэнд санхүүгийн асуудал тулгарах нь цөөнгүй.
Азид боловсролоороо тэргүүлэгч орнууд болох Хятад, Япон, Сингапур, Өмнөд Солонгос зэрэг орнуудын томоохон тэтгэлэгт хөтөлбөрүүдийг энэ удаагийн нийтлэлээрээ хүргэж байна.
Хятад улсын тэтгэлэгт хөтөлбөрүүд
- Хятад улсын засгийн газрын тэтгэлэг – Засгийн газрын тэтгэлэг нь бакалавр, магистр, докторын зэрэгт оюутнууд хамрагдах боломжтой. Энэхүү тэтгэлэг нь жил болгон зарлагддаг.
- USTC-ийн тэтгэлэгт хөтөлбөр – БНХАУ-ын Шинжлэх ухаан, технологийн их сургууль (USTC) нь олон улсын зэрэг эрэлхийлж буй болон солилцооны оюутнуудад үнэ төлбөргүй суралцах, үнэ төлбөргүй байр, эрүүл мэндийн даатгал, сар бүр амьжиргааны тэтгэмж олгодог.
- CAS-TWAS Ерөнхийлөгчийн докторын тэтгэлэгт хөтөлбөр – Хятадад докторын зэрэг хамгаалж буй олон улсын оюутнуудад зориулсан докторын тэтгэлэг.
Солонгос улсын тэтгэлэгт хөтөлбөрүүд
- БНСУ-ЫН засгийн газрын тэтгэлэг – Засгийн газрын тэтгэлэг нь жил болгон зарлагддаг бөгөөд жил бүр суралцах оюутнуудын тоо гардаг.
- KFAS International Scholar Exchange Fellowship (ISEF) – Ази тивийн оюутнуудад Өмнөд Солонгост тэргүүлэх сургуулиудад суралцах 50 оюутанд тэтгэлэг олгодог.
- Chung-Ang их сургуулийн сургалтын төлбөрөөс чөлөөлөгдөх тэтгэлэг– Chung-Ang их сургуульд суралцаж буй олон улсын бакалаврын оюутнуудад сургалтын төлбөрөөс чөлөөлөх, дотуур байрны төлбөрийн хөнгөлөлт зэрэг багтдаг.
- Seoul National University солилцооны хөтөлбөрийн тэтгэлэг – Сөүлийн үндэсний их сургуульд суралцаж буй олон улсын солилцооны оюутнуудад зориулсан төрөл бүрийн тэтгэлэгт хөтөлбөрүүд багтдаг.
TomYo Talk эвентийн тасалбараа ЭНД дарж захиалаарай
Япон улсын тэтгэлэгт хөтөлбөрүүд
- Япон улсын засгийн газрын тэтгэлэг – Японы Элчин сайдын яам жил бүр Япон улсын Засгийн газрын тэтгэлэгт хөтөлбөрөөр суралцах оюутнуудыг сонгон шалгаруулдаг.
- Олон улсын оюутнуудад зориулсан KUT-ийн докторын инженерийн тэтгэлэг – Кочи Технологийн Их Сургуульд (KUT) Японд докторын түвшинд суралцах сонгогдсон орнуудын инженерийн оюутнуудад зориулсан Японы тэтгэлэг.
- Токиогийн Их Сургууль Олон улсын оюутнуудад зориулсан тусгай тэтгэлэг – Токиогийн их сургуульд эрдэм шинжилгээний судалгаа хийх олон улсын төгсөх ангийн оюутнуудад зориулсан 100 гаруй тэтгэлэгт хөтөлбөр байдаг.
Сингапур улсын тэтгэлэгт хөтөлбөрүүд
- NTU Их Сургуулийн Инженерийн тэтгэлэг – Наньян Технологийн Их Сургуульд (NTU) Сингапурт суралцах бакалаврын инженерийн оюутнуудад зориулсан тэтгэлэг.
- Singapore International Graduate Award (SINGA) – Сингапурын сонгогдсон их дээд сургуулиудад шинжлэх ухаан, инженерийн чиглэлээр Сингапурт суралцах докторын тэтгэлэг.
Таныг илтгэлүүд, сонирхолтой энтертайнмент үзүүлбэрүүд, зогсолтгүй үргэлжлэх гэнэтийн бэлгүүд хүлээж байна.
